ENGLISH/INUKTITUT
traditionandtransition@mun.ca        
    

    

Kaujititsinik kinaunimmikNautaima?

Aprel 2019

PiusituKait amma Asianottauvalliajut pijugiutiKavut atuKatiKagiamut nutângunippâmik tusagatsamik pisimajumit InukBook Inuktitut Suguset Atuatsigiamut Atautsituinnaungitumik Suliagijaujumik – Nautaima, tânna aippanga atugak atautsituinnaungituk, suliagijaulittuk! Atjigilungitanga sivullipânganik atuagammit, ilinganiKalualauttuk piusituKait unikkausinginnik atugautluni tamâgennik Inuktitut amma Kallunâtitolauttuk, Nautaima imailingajuk “Takujaga” atugak nunalinnut ilinganiKatluni pisimajumit Labradorimit ullu tamât inopvigijauKattajunut tugâgutiKatluni KaujimajaukKulugit Inuttitut uKausinnik ilinniagiamut.

Pitalik 11 nigiugijaujunut takugatsanik atuagammi, atunik ilinganiKatlutik atjigengitunik inosigijauKattajunut Nunatsiavummi, sunatuinnaKatluni amma ilinganiKatlunik Inuttitut atigijanginnik tigusijunut KikKanganettunut. PitaKalluni tamâgennik Inuttitut amma Kallunâtitut allataumajunut, tamanna pigumajauluasimajuk tâpsuminga atuagammik pigumakKulugit inuit Inuktitut pitagijanginnut mikinitsanik allataumajunik uKattaugajattunut, unuttumaget Inuttitut uKausingit, amma uKattaugiallajut atuttaunginnaluni where is – nautaima - pikKujijumik atuatsijumik napvâgiamut nalunaittausimajumik iluani atjinguami. Tânna tugâgutik sakKititsijuk pivitsamik inummarinnut amma sugusinut ilinniagiamut amma ottugagiamut Inuttitut uKausinginnik amma ilitatsiluakKulugit atjigengitunik Inuttitut uKausinik atunik ullu tamât piKutigijauKattajunut.

Tânna allanguattik amma allatik tâpsuminga aippanganut atuagammut unauvuk Roxanne Nochasak Makkovimmit. MânnaKammik pijagesimajuk Inuit Immigolingalluni Ilinniatitsijiugiamut suliangujumik, Roxanne pannaigutiKajuk ottugagiamut ilinniasimajamminik amma atusimajamminik akuni allangauttiuligami amma sananguatiutluni, atunik atjinguanut. Ilangata apomautigisimajamminik tâpsumunga atuagammut, uKajuk, ilinganiKatsiatut atunik Nunatsiavut nunagijanginnut amma ilautitsitluni nalunaittausimajunut atjigengitunut atjinguanut sakKititsijunut ataniKajunut Inunnut nakituinnak pisimagaluappata satjugiami. Kamagijautsiagialet nalunaitsiagiamut amma KaujisaluvinigiaKasimammijuk, tâvatuak Kittaingatsiajuk tâpsuminga pivitsamik.

“Nalligusunginnavunga suguset atuaganginnik akunialuk ikKaumajagatut, taimaitlunga tamanna pitjutigiluasimajaga suliaKagiasigiamut ilinnianimmut. PivitsaKattitaugama allagiamut suguset atuaganganik akuni inosiganit pigumanginnataga. KanuttogutiKavunga ilonnasi aliaginiattasinnik, suliagisimajakka taikkununga ilingajut, takusonguniammata ullu tamât inosigiKattajanginnik takutausaujunut amma ilinganigijangita pitagijanginnut. Anginippâk Kanuttogutigijaga unauvuk katiutiniattuk ilagenik, ilannânik, amma ilinniatitsijiujunut – utakKigunnangilangalu amma atuagianganut sugusikkanut! KanuttogutiKagivunga ilonnasi nalligilâttasi, Kuviagigutsigik, nâmmasivunga allanguattiulunga”

– Roxanne Nochasak

Nautaima nuititaulâttuk Septemberami nutâmi ilinniavik pigiasilippat, nenittaumajut atuinnautitautillugit sugusinut amma ilinniavinnut Nunatsiavummi amma Upper Lake Melville iningani, amma pisijaugiamut iluani amma silatâni Nunatsiavummi.

Amm pannaigutinga imailingavuk kajusiutiKagiamut Inukbook atautsituinnaungitunut KanuttogutiKatlutik unuluat suguset atuagait sanajaugiallalânninginnik. Jodie Lane, Kaujisattik taikkununga Inukbook suliagijaujunut amma Ilinniatuligijet Aulatsijillaginga Nunatsiavut kavamakkunut, uKajugok atuagait atautsituinnaungitut kamaluattut sulitsiatumik amma KaujimajaukKulugit amma tigumiakKulugit atuKattalutillu Inuttitut, amma ilangagijanga pitâgiallagialet Inuttitut atuagannik kinakkutuinnanut amma ilinniavinni.

Tânna katimajet Kinijanginnatut unikkausiliuttaugajattunut Nunatsiavut IkajotiKajunuit, taimaimmat KanuttogutiKaguvit tunitsigiamut isumagijannik upvalu suliaKagumaguvit atuagaliugiamut, Kagitaujatigut tugâttisigajakKutit omunga Jodie Lane omunga jodie.lane@nunatsiavut.com.

Unikkausivut